Ruzaini Razak

selamat pagi pado yang membaco di pagi haghi..
selamat potang pado yang baco potang dan malam..
aghi ni den akan menulis pasal Ruzaini Razak aka macho..
siapokah macho ni..
macho sangat ko?
camno dio boleh dapek namo macho..
aghi ni den cubo ghunkaikan la sket2..

tapi sobolun tu..
napo xdo entghi pasal poie pangkor ni..
den nak gak tau apo kisah eh..
den nengok kek group komain ghancak bebual eh..
mano sate ikan den..

bagi monyodapkan pembacaan..
apolah kigho eh ekau membaco sambil mondongar lagu feveret macho..
baghulah ado feel..



maghin si macho ni kelas 1-2 ikram..
kelas si syamsiah ngan haryati..
awek2 comel kelas tu..
si syamsiah dah kawen..
ado anak soghang ngan bakal menyambut anak keduo..
insyaallah ado maso ghayo tahun ni..
kito poie umah budak2 dah kawen k..
kito tgk sket camno lauk budak2 dah kawen..yati plak dah jadik inspektor polis..
menyambung legasi ayah eh..

mesti koghang tetanyo kan..
camno si macho bulih dapek namo eh..
ekau kono paham kek kelas ikram tu..
ado kaki2 drop..
macam gomok..
arip aka sil tu nampak yo diam..
dio punyo kaunter memang mantap..
apotah laie addy..
dio ni penambah garam yo..
asal ado poin dio bakar laie paneh..

si macho ni..
bilo kono jawab soklan yo dio mesti botokan baju eh..
ala cubo ko bedighi..
lopeh tu tangan kanan atau kighi letak kek belakang baju..
botokan supayo spenda ko tak tekerluar..
lopeh tu botokan ghambut sket..
sikat yang bulat tu..
yang bulih masuk tangan tu..
ponek den caghik gamba eh..
x jumpo poik..
maghin sapo xdo sikat tu x true..
x cayo tanyo gomok..

gayo si macho ni cakap..
paling ghomeo..
kalo maghin den cakap paw ghomeo..
si macho ni paling ghomeo..
bagi la mano2 gadis bebual ngan dio..
den kompom mano yang x cair pastinya meluat..
intonasi slow..

jejaka macho alaf kini

macho ni peminat liverpool..
den ponah jumpo eh kek ampangan..
masih laie memakai baju liverpool kaler kuning..
memang sempoi..
lejen tu baju tu..
nampak sangat die hard..
sampai namo elbum fesbuk dio pun el nino..

perkagho paling nyosa dio ponah buek iolah staighten ghambut eh..
den kompom tulah pekagho paling nyosa deh..
den ghaso time blaja kek universiti kot..
kalo macho ni tak nyosa..
biar den nyosa kan ko..
den ngan jujur akan bitau kalo ko buek camtu laie..
dengan pantas den tak panggey ko macho laie..
den panggey ko predetor..


tak tau la kalo ko suko namo ko beghubah daghi macho ke predetor..


skang ni x silap den macho bokojo sebagai tukang jawab tipon..
macam jimmy aka ruzaime..
namo pun nak samo..
kojo pun nak lobih kughang..
lantak la..
janji gaji koghang masyuk..
sapo nak tau pasal bank2 bulih la tanyo macho..

bagi megheko yang xdo fesbuk macho..
dan ingin berkenalan ngan dio..
klik yo menantang ni...==>..

Street Soccer (Special Entri)

momandangkan ghamai bona nak di kona kan..
den konakan satu group ni la..
sonang sket kojo den..
dioghang digolar geng street soccer..
diketuai oleh tamiya..
camno tamiya boleh join group ni..
sobab eh time ni kantoi ghamai2..
ado 2 orang sinior kantoi sekali..
padahal dioghang tak main pun street soccer kek pd..

sobona eh ado 2 street soccer..
sobolun kek pd..
ado dah kek somban..
tapi sobab eh ghamai bona kek somban..
so den ghaso dak2 ni x poie pun kek somban..

dan incik paw tu den yakin dio main kek somban..
lopeh tu kek pd den ghaso paw takdo..
xpo kalo ado pun den dah cito pasal dio..
ado lobih kughang bebelas budak la group street soccer ni..
diorghang kono panggey ngan ust norul hadi..
lopeh maghrib..
den kompom budak2 tu malu..
padan la muko eh..
sapo sughuh fly..

menurut sumber yang boleh dipercayai..
2 minggu sobolun tu budak2 ni dah poie mintak kobonagahn dengan warden..
siap buek sughat rasmi..
konon-konon bulih naikkan namo skolah la..
ado ugho-ugho boleh lopeh..
tapi tetibo dioghang ni x dibenarkan kuar..
tapi budak2 ni nekad..
osah power eh..
fly beghamai-ghamai..

malam sabtu yang dioghang fly tu ado spotcheck..
time tu la dioghang kantoi..
sebbek den ado time tu..
kalo tak ngan den2 pun sangkut..
den bukanlah pandai main bola nak join street soccer ni..
tapi den gomar fly..

bukan sobab den homesick..
tapi sobab den nak poie lepak LD kek jalan poie KTM tu..
skang dah jadik kolej da..

budak2 street soccer ni digantung selamo 2 bulan x boleh balik xboleh kuar..
pergh..
nampak cam ganeh..
tapi seghonok la gheghamai kantoi..

jom kito kona ahli2 eh..

gambar keba paling kurus

mamat ni paling hero..
namo mak apak eh adik..
namo kengkawan kapal ngan skolah ghondah 1-3 keba..
namo kengkawan laki gomok..
namo kengkawan pompuan busyek..
namo busyek tu daghi skolah ghondah pilah..
yang samo ngan khalish tu..

gamba paling kurus jon

den memang ambik gamba paling kurus yo..
maghin sumo kurus..
skang ni..
ambik..
malas den sobut..
ni namo sbona eh mohd shahrul fadhli..
sodap namo eh..
tapi dapek namo jon..
sumo eh salah kan gomok..
tapi sbona eh salah jon gak..
maso memasuk tu..
kojap namo eh fadhli..
kojap namo eh shahrul..
oghang poning..
truih lotak namo jon..
ha kan dah kono..

Addy senget

ni soghang laie..
mengalami pembesaran yang amek..
maghin kek skolah osah kocik eh..
skang amik ko..
den caghik gamba paling kurus pun xdo..
namo dio addy..
xdo namo samaran..

tuan ghumah kek pd

ni namo eh nuruddin maimon..
dio boleh panggil memano..
maso form 1 den ghaso oghang panggil dio nuruddin..
lopeh tu beghubah plak maimon..
sampai awek den ingat maimon ni awek la..
lopeh tengok henpon den..

konon-konon comel

ni soghang laie tuan ghumah kek pd..
kalo dulo2 asal poie pd yo..
umah abun..
xdo la umah lain nak di poie eh..
tapi skarang..
abun konker lubok chino..
tu kawasan deh..
namo sbona eh farid idris..
oghang panggil abun..
nak tau sobab eh tanyo sendighi..

paling tough

sapo ghaso dio ado masalah ngan sesuatu yang boghek ko..
kontek yo en Muhammad Taufik..
dio paling kuek..
paling fanatik ngan arsenal eh..
paling di banggo iolah fabregas..
den pun x paham..
napo la dibanggo mamat yang betrayed tu..

soghang laie peminat arsenal

ni namo eh fareed adanan..
mak ayah dio cikgu kot..
osah jambu eh..
menjadi ghobutan gadis2 sekolah..
skarang ni den ghaso masih laie menjalinkan hubungan ngan wa-ed..
so gadis2 back off okay..
toyed ni macam sumo lelaki2 shams yang lain..
s e t i o..

dah 7 ghang den kona kan..
den pun ingat tak ingat yo..
x silap den dokek 20 oghang..
khalis ado..
paw den x ingat ado ko tak..

yang xdo gamba eh..
seingat den..
ariffudin sahak..
arip poie walaupun x main street soccer..
arip ponah kono tampa ngan arwah ismayuddin..
sobab dituduh ghembat barang kh ahmad shahir..

abdullah wafi aka dobeng..
ni paling rare..
sapo ado fb dio..
perkenalkan kek sini..
dio pun x silap den jadik tuan ghumah kek pd..
den main petik yo ni..
asal duk pd memang jadik tuan ghumah la..

ado gak yang ikut main street soccer tapi tak kantoi..
antagho eh iolah..

osah joker eh

nasrul fizal atau lobih dikenali sebagai mantak..
dio dapek namo mantak ni sobab msk asrama maso form 2..
muko eh samo macam mantik..
sinior form 5 maso tu..
geng2 punggok, cipoi dan lain2 laie.
mantak lopeh daghi di kantoi keghano dio boghi alasan ado ghombongan sains..
ntah bilo dio join kelab sains ntah den pun x tau..

sapo ingat dio?

ni salleh rosli..
maghin kek skolah kocik yo..
den ghaso kono ado entri khas untuk salleh..
sapo setuju vote..
x setuju pun den ghaso kono buek gak..

notakaki 2 haghi den buek entri ni..lotih nak siapkan..

Fauzi Razak

den hampir terlupo budak ni..
lopeh den tengok gamba reniuon kek group fesbuk..
teringat kembali kek dio..
mano incik paw hilang selamo ni..

jaghang jumpo eh..
time ghayo pun x jumpo..
time kengkawan kawen pun xdo..
tibo2 time reniuon en paw timbul..
osah biskut danone eh..

kalo x silap den maso kocik2 maghin paw ni nampak paling mecet la..
dio macam tahu hampir sumo bondo..
ekau tanyolah papo kek dio..
memang hebat dio ni..
boleh dikategoghikan sebagi wiki la..
dio pun ngam gak ngan sinior2..
gayo cakap eh osah romeo..
memang mano2 gadis donga boleh cair la..

paw edisi chelsea

sahabat baik paw ialah kabak..
wah bilo den bukak cito soghang den bulih ingat laie soghang..
lopeh ni kono la buek entri pasal nursyams aka kabak..
paw baik ngan kabak bilo nak bergayut kek public..
memang kalo x silap den memalam time prep mesti ado muko dioghang ni..
ontah sapo ditipon eh tah..
sebbek la den ni jenis skema..
time prep den stadi..
tu yang pmr dapek 8a 1b tu..

berbalik kepado kesah paw ni..
dio gomar pakai jersi ac milan..
time tu masih lagi opel sponser..
ni baju eh..

ado laie tak paw?

oleh keghano minat yang mendalam terhadap bola sepak pada waktu tersebut..
dio join la budak2 ni main street soccer..
maso tu ado kek terminal one..
den tak tau dioghang monang ko tak..
tapi yang den pasti en paw pakai gak jersi street soccer tu..
maksud eh dio pun masuk la kan..
xkan poser yo pakai tapi tak main..

en paw ni pun aktif bosoni..
x silap den la..
dio main bonggo tu..
boto tak den sobut tu..
bonggo..
oleh keghano diskriminasi..
as-shams versi tahun kito xdo..
den pun polik..
napo as-shams ateh kito ado..
tapi as-shams kito xdo..
lopeh tu trus yo as-shams bawah kita..
den ghaso budak2 kito bosoni bidang rock..
sebab tu la x main la nasyid2 ni..

paw pun ado band..
dio slalu jamming ngan mantak, toyed dan abe kot..
memang power la paw ni..
sumo boleh buek..
bosukan, bosoni..

skandal terbaru paw bersama nisa..nisa??

ado satu laie yang korang x tau..
paw ado bakat sebagai pengarah..
kalo korang ingat maghin..
minggu kesenian islam kot..
pentomin budak2 form 3..
diolah yang aghahkan..
yang si maimon jadik anak derhako tu..
siap rekoding cito doremon la..
pocah kaco la..
bunyik moto abang nasir la..
memang gompak..

okay sapo yang xdo fesbuk paw..add yo..

notakaki banyak que entri ni..macho, syaiful..nantikan yo..

Sazali Fitri

memandangkan ado permintaan..
mako eh den pun menunaikan permintaan si kacak..
buek cik pini..
den bukan xnak buek cito pasal pompuan..
tapi den xtau sangat cito pasal gadis..
gosip2 gadis..
den bukan gomar pun dongar umpatan..
slalu eh den tutup telingo bilo orang mengumpat..
xnak ambek saham eh..

siapokah sazali fitri..
harini kito akan merungkai misteri sazali..
mungkin entri aghi ni entri tidak begamba..
mako eh koghang cubo yo lah bayang kan..
den xdo fesbuk sazali..
sapo ado boleh link kan kek ruangan komen nanti yo..

sazali meghupokan pelajar shams sesi 9802 yang terpanjang sokali..
ketinggiannyo hampir samo ngan peter crouch..
den ingat maghin..
en beni pun teghujo ngan kepanjangan beliau..
dio tanyo zali ni..
ekau kuek toceng eh..
zali golak yo tanpo memahami apo yang di sobut oleh en beni..

zali ni pun nampak macam samseng..
tapi masih mengalami masalah homesick..
x silap den maso form 1 yo dio duk asghama..
lopeh tu laghi asrama..
den pun kurang pasti la..
napo budak2 ganeh ni homesick..
nengok cam den ni..
goma duk bejauhan daghi ayah bunda..
baghulah kasih sayang tu dicughahkan maso bejumpo..

ni cito pasal den ko pasal zali ni..
zali ni hebat besukan..
dio sapu boghosih sukan2 kek shams maso dio blaja kek sano..
kalo x cayo bukak la al-hidayah..
korang buleh tengok muko eh kek mano2..
biasolah bilo jadik atlit mako ghamailah gadis2 jatuh cinto ngan dio..
tapi den kughang pasti la ado x yang dio sangkut..

abih yo skolah monongah..
dio sambung poli kot..
tapi dalam peringkat sijil..
lopeh tu den dogar cito dio kojo favell falvco..
kek snawang tu..
buek kren..
den saspek dio kojo technician kek sano..

tapi magin adola den tosoghompak dio..
seingat den la..
badan dio naik maghin..
melalui gamba dio sewaktu perkahwinan akak akkil..
x cayo tanyo akkil..

skang dio dah kughuih..
dio koba dio jogging tiap2 aghi..
biasolah..
bilo ko maghin jadik atlit..
lopeh tu dah x bosonam..
tu badan naik..
dio koba ado la dalam 3 bulan intensif nak turunkan boghek badan eh..
dio x makan pil ko apo..
bosonam koba eh..

so sapo2 yang nak tughunkan boghek badan bulih jumpo dio..
waktu den togo dio tu pun dio koba dio kojo kek penang..
dio jadik jaga yo koba eh..
so kalo dio tipu..
makno eh den pun tipu ko..
dio dah tunang x silap den..
tunggu yo lah jemputan ko majlis eh nanti k..

notakaki x syokla xdo gamba..

Khalis Ahmad

watak yang nak den pokonakan aghini iolah khalis..
sapo tak kona khalis angkek tangan..

dio ni lagi soghang yang komain banyak namo samaran eh..
tapi stended budak skolah main namo bapak..
amad paling koghap di pangge..
sobab eh dio ni budak pilah..
ghamai lak tu kengkawan skolah eh..
geng skolah ghondah eh gomok,ifq..
sapo laie den pun x tau..
cikgu apis tu pun sesekolah ngan korang ko?
maghah dio kang sobut tapir..

osah macho eh skarang..bosoni..

gomok ponah open cito kobaan..
khalis ni geng dio main game kek pokan pilah maghin..
kodai ayimat..
tau tak kodai ayimat tu..
konon2 taknak orghang lain tau port lepak la..
boghi namo samaghan..
macam budak2 pompuan yang main fafufefi tu la..
sa fa ye fe po fo yo fo..
lobih kughang camtu la..
tapi budak2 laki hebat main tobalikkan pekataan tu..
ayimat tu adolah perterbalikan daghi perkataan tamiya..

den ghaso kodai ni dah xdo laie dah..
xtau la..
budak pilah..
ado laie tak?

bebalik kepado kisah khalish..
dio ni masuk skolah ni lambek sket..
den pun x tau napo..
tau2 dah ado dah mamat bangla kek skolah agamo..
den pun maghin konpius gak..
camno wargo asing boleh masuk skolah melayu..
tetibo dio bolih cakap melayu dongan fasih pulak kan..
maso dio masuk skolah magin dio merasuah budak2 dongan kad bola..
nak buek kawan kono la buek camtu..
kalo tak takdapat join budak2 kewl..

den dah tak payah buek papo..
sobab eh den memang toghang2 kewl..

khalis ni ado perangai polik sket..
dio pembaco komik yang setio..
sapo nak baco pendekar laut..
boleh carik khalis..
dio gak ghajin baco gempak..
tapi satu la yang paling kitorang musykil..
dio boleh boli komik tanpo menggunokan duit..
mangso kodai eh kek pejabat pos..
waktu pembolian beliau iolah lopeh solat jumaat..
memang semart..

so sapo ghaso maghin ado ilang kasut ko..
baik ko tanyo khalis ni mano dio jua kan kasut tu..
haha..
khalis jangan maghah eh..
sajo yo..
khalis ni ado gayo seorang pemain bola yang hebat..
tapi takdo la hebat mano..
gayo yo hebat..

sekaghang ni khalis dah jadik budak kl..
dio dah lupo asal usul eh budak kp..
maghin snooker pilah tu ghumah keduo eh..
sobab dio tau dio tak power main bola..
kojo eh main snooker yo..

bagi megheko yang meminati yuna..
ala awek batudung yang main gitar tu..
ghontikan niat nak becinto dengan dio..
si khalis yang kacak macam man bai kini..
telah secara official ber kapel ngan yuna..
napo x cayo?
ni ha den tunjukkan bukti..

khalis lagi tinggi tu..yuna pakai hi heel

megheko bakal melangsungkan pernikahan di Dhaka..
bagi mengelakkan kontrovesi yuna menjadikan bangla sebagai teman sehidup semati..
so sesiapo yang nak tengok khalis ngan yuna besanding nanti..
kumpo duit siap2..
sampai sano jangan lupo boli senjato api..
boleh bopoghang skali..


notakaki yuna kalo tebaco ni mesti maghah..so den mintak maap kek yuna ngan awek khalis..kek khalis den tak kesah..

*Ni fesbuk khalis kalo nak berkenalan ngan yuna..

Farizal Iswan Ishak

salam sejahtegho..
sari beghito ponting..

reniuon bakal dilangsungkan pado hujung minggu ini..
bagi megheko yang akan poie ke sano..
den ucapkan supayo berhati-hati dan bergumbigho lah adonyo..
jangan lupo bolikan den sate ikan..
lamo dah den x makan sate tu..

trus teringat kepado rakan2 yang maghin kocik2..
watak untuk den konakan haghi ni iolah bonzer..
masih kah ekau ingat sape bonzer ni..
x silap den dio blah maso form 3..
sesuai dongan penampilan deh..
bosar, tinggi, dan ala2 samseng..
beliau dikategorikan sebagai bonzer..

beliau makin tough

oleh kerano tuboh badannyo yang bosa..
beliau memang selalu kono mark bilo buek bondo jahat..
den ingat laie..
maso tu den, toyed dan sil berura-ura untuk fly ke bandar..
waktu tu kigho eh festime la den fly..
haghi rabu kot..
lopeh klas lebih kurang kul 3 lobih..
kitoorang menyelinap pagar berhampiran ngan parking bas..
kalo xsilap den maghin pagar tu sonang yo nak tombuih..
x payah loncek..
tapi nyolit kot..
tapi lopeh pagar kono upgrade..
kono la loncek pagar tu..

syafiq iolah anak ustazah zabedah..
dio ponah bitau kek den yang mak dio slalu yo prasan dak2 ni fly..
tapi buek2 x nampak yo..
timo kaseh eh ustazah..

sedang lepak2 kek bas stand tu..
lalu ashadi..
sinior maso tu..
rambut panjang..
dio soghang yo maso tu main skate..
tetibo lalu ngan moto ex5..
lagi gaghang..
selambo yo kuar..
boghonti berhampiran kami..
kono soal siasat 2-3 soklan..
dio lopeh kan..
baik boto dio..

selang bebeghapo minit bonzer plak sampai..
bas tak sampai2 laie..
bonzer sampai ngan beg di tangan..
dio koba nak balik umah..
osah homesick eh..
badan yo bosa..
tapi homesick bonzer ni..
seingat den la..
brape kali bona yo den jumpo bonzer kek asrama..
macam2 alasan dibuek eh nak balik kampung..
alasan2 tu takkan den revealkan..
takut budak2 tighu..
bonzer yo yang paling kreatif dalam memboghi alasan ni..

ashadi yang tadinyo menuju ko kampung bukit morbah..
pun pulang ko sekolah..
sambil superman..
tibo2 boghonti laie..
cilako dalam hati den..
tadi dah boghonti..
boghonti laie..

"ko nak poie mano?" soal ashadi..
"poie somban bang.."balas kami..
"ni apasal lak siap bawak beg lak ni..dah2..masuk balik..kang den repot ngan zulfika kang.."balas ashadi sopan..
siot..
kitorang pun membatalkan hasrat untuk fly..
bukan sebab ashadi suh masuk..
tapi sebab bas lamo bona nak sampai..
siot nyo bas..
ingat kitorang takut ko ngan zulfika..

bonzer ni memang x boleh diajak buek bondo jahat la..
bilo ado yo dio mesti kantoi..
ado satu kes laie..
kantoi merokok..
ado la dalam 5-6 orghang kantoi sekali..
termasuk la ahmad shahir..
sumo kono sebat ngan ust idrus..
kalo xdo bonzer haghi tu budak2 tu kompom lopeh..

tapi kini bonzer dah macho..
dio makin kughuih dan sudah menjadi lelaki orang..
namun koata eh masih ado laie 3..
amacam bonzer..

bonzer dan isteghi tercinto

notakaki apo yang dibual hanyolah rekayaso yo jangan ambil hati sajo nak ingek kengkawan yo..
*bagi megheko yang nak add fesbuk bonzer ni klik yo ni..

Bokonalan

ghajin pulak den mengapdet blog skolah ni..
haghi ni den akan melakukan siri bokonalan ngan rakan2..
supaya korang teringat kisah silam..
memandangkan den budak laki..
mako eh den akan menceritokan budak2 laki yo..

mako pagi yang indah ini calon botuah iolah izwan haron..
nama faveret beliau iolah mantul..
pelbagai spekulasi den dongar mengenai namo mantul ni..
spekulasi paling den ghaso relevan ialah tubuh badan beliau yang sungguh elastik..
boto poik..
den ponah tgk mantul ni boleh memutarkan badannya 270 darjah kekiri dan kekanan..
kigho eh dio ni ngan apo namo yang ompek orghang tu..
fantastic four tu..
dio ni yang jadik kepten tu..

gambar terbaru beliau

maso kocik maghin..
mantul ni gomar gak begaduh ngan budak kelas eh..
x silap den dio goma gaduh ngan budak2 luar..
abe antara musuh eh..
kalo di ukur kehebatan..
nampak macam abe boleh makan mantul ni..
tapi memandangkan ketinggian abe pado maso tu..
amat mendukacitakan..
mako fight tu agak seimbang..

kini mantul menjadi usahawan yang bojayo..
beliau ponah becito-cito nak bukak kedai runcit 24 jam kek dataran senawang..
time tu 7e pun bolun laie wujud..
dio dah pikir camtu..
namun cito2nya hanya jadik angan2 yo..
dio kini menjadi usahawan kegheto yang mantap..
osah maghah eh kalo ekau panggey dio mantul laie..
panggilan manjo eh kini iolah incik wan..
ekau jangan maghah kalo no tpon ko xdo dalam phonebook henpon dio..
dio ni ghamai customer..
bagi mereka yang baru berjinak2 di alam pekerjaan..
dan ingin mengambil sebuah kegheto..
bolehlah mengontek beliau..
pastikan korang pau dio duit komisen..

notakaki bagi menghidupkan blog ni den akan mengarut..

P E R S E D I A A N

hari ni den akan menceghitokan persediaan sobolun ke reniuon..
den sajo yo taip gitu
den suko sobut reniuon..

kesah reniuon ni den dongar cito eh lamo dah..
koba nak buek setiap 5 tahun kot..
maghin maso bincang tu den xdo pun..
ntah mano ntah den poie..

den perasan diorang bincang pasal reniuon x silap den taun lopeh kot..
ado la bebeghapo orang yang mintak sumo kumpo..
tapi hasil eh den ghaso ado la limo nam orang..
den peghasan gak ado di buek eh sumo orang terlibat..
supayo sume dapek poie la..
lopeh tu diorang pun den tgk siap buek facebook..
sebab zaman tu facebook ni baru nak up..
budak2 dah tak main frenster laie dah..
den boleh betting la..
korang pun dah lamo kan x bukak frenster laie..
boyat yo lah yang main frenster sorang2..
boyat memang true..
dio memang anti israel ni..
dio bukan macam budak2 yang anti israel kek fesbuk tapi main fesbuk laie..

ghamai gak lah diorang jumpo bokeh2 budak skolah SHAMS kek dalam fesbuk tu..
misi pertama diorang berjaya..
mengumpokan budak2 kek fesbuk..
lopeh tu en boyat buek lak forum..
malangnya menduko citokan..
perbincangan pasal reniuon osah paneh eh kek fesbuk..
ghamai gak la yang berminat ngan reniuon..
tapi awal yo la..
samo yo seperti kempen boikot mekdi yang dilancarkan oleh mantan perdana montoghi..
kojap yo..
lopeh tu buek mcvalue lunch..
ponuh yo mekdi tu..

lamo gak la monyopi pasal renioun tu sehinggolah awal tahun kot..
di mintak eh voting2..
pun den ghaso hambar..
den memang dah bajet pun x ghamai yang bokonan buek 2-3 haghi ni..
tapi salah sapo..
korang la xmo boghi cadangan buek sehaghi yo ko..
buek dokek yo ko..
sumo diam..
mak den koba..
kalo zaman maghin2 orang masuk minang..
diam tu tando eh setuju..
tu yang agak eh budak2 tu buek yo 2-3 haghi tu..

alah bukan seronok pun nak jumpo gheghamai..
maghin maso skolah pun bukannyo den kawan ngan ko..
den klen lain..
ekau klen lain..
tapi den ponah gak dongar cito kumpulan budak laki..
anti perempuan ko apo ntah..
kecoh gak..
camno ntak budak2 tu bulih dapek gelaran sebegitu..
den pun x amek port..
tapi adolah den kona soghang duo budak2 eh..
femes gak dak2 tu kek skolah maghin..
diorang den ghaso paling true..
art tahap tertinggi..

diorang x ponah bezo2 an klen..
stakat kutuk mengutuk sesamo sendghi tu biaso la..
tapi diorang den tgk xdolah nak bezo2 an sesapo..
kalo poie ghayo pun budak2 tu gak yang cargas..
kalo poie umah dak2 kawen pun diorang gak poie..
memang smart..
den nak join korang boleh tak..
ado boghang ko apo ko..
boyat den ghaso orang kuek eh..
den saspek yo sobab ado blog pasal budak2 ni..
tapi xdo la ektif bona..
takat sajo2 yo..
bagus..
bincang politik sumo..

ni den tengok reniuon ni pun ghamai dak2 diorang..
biar pun korang kono tuduh anti perempuan ko apo ko..
korang memang best..
true supporter..
den kompom korang pun sapport pasukan bola sepak nismilan kan..
dan penyokong industri filem dan muzik malaysia kan..

den harap korang sakses selalu..









eh mano cito reniuon eh??






ontah..







notakaki bilo dicampur ditolak yang doge kek skolah maghin gak yang bagus..