Wednesday, March 30, 2011

Tazkirah Malam Khamis

lamo kan den diam..
boto poik den pun dah xdo idio nak konakan sapo kek belog ni..
tapi den adolah tokonang kan si taufik..
skang ni dio dah jadik cikgu kek sekolah swasta..
skolah agamo..
bagus budak tu..
maghin taim belajar den ingat laie..
sumo makanan minum potang di cocah ngan air milo..

tapi aghi ni den nak bertazkirah..
bulih ko?
takdo la, den pun nak gak dapat saham masuk syurgo..
walaupun den ghaso den tak beghapo nak layak..
selalu den pikir dalam kepalo hotak den ni..
den nak masuk syurgo ko den taknak masuk nerako?
kalo di pikir ayat tu poning kan..
nampak macam samo..
tapi ayat yang mendalam..

so intipati tazkirah den pagi ni yolah "Allahuakbar"..
satu perkataan yang simple..
umang ai omputih deh..
maksud Allahuakbar Allah Maha Besar..
dan takdo bondo laie yang lagi bosa dari Allah..
namun sekarang ni den tengok..
orang lobih takut dongar bilo oghang lain cito pasal hantu daghi cito pasal Allah..
bilo oghang cito pasal Allah paling tidak pun terdetik dalam hati cito ni dah banyak kali den dongar..
bosan la..
bondo samo yo di cito..
tapi bilo dongar cito antu..
ulang banyak kali pun takut..

Allah Maha Besar perkataan ni di ulang bekali2 bilo time solat..
tapi apo yang ado di benak hati kito taim sobut Allahuakbar tu..
apo nak buek lopeh solat..
dah tebayang nak solat dogheh abih sobab tak saba nak nonton kejora dan bintang..
sedangkan Allah Maha Besar tu..
camno lak bulih tebayang bondo lain time solat..
langsung takdo perasaan takut..
cubolah ekau bodopan ngan oghang paling bosa kek dopan mato ekau..
apo ekau buek..
diam ko? buek lawak ko? cubo pikir..

Ni ado satu laie part yang caya..
den selalu lah gak tengok diorang ni bekumpo sobab an parti kesayangan..
lopeh ceghamah sumo laung Allahuakbar..
komain kuek..
besemangatla donga eh..
tapi sbona eh apo di laung tu cumo nak tunjukkan kesetiaan kek pemimpin parti..
kek situ dah ado clash dah..
sapo yang laie bosa?
pemimpin ko Allah?
takpun nak menunjukkan yang apo yang di pejuangkan tu Islam..
dan pengikut-pengikutnyo Islam..
tu yang buek den sodih tu..
Allahuakbar di salah guno kan..

berzikir ingat Allah tu bagus..
tapi kalo berzikir dalam keadaan mabuk camno lak?
mabuk dalm konteks den nu bukannyo mabuk minum bia..
tapi mabuk tidak faham apo yang di lafazkan..

tu yo yang den cubo sampaikan..
renung-renungkan dan selamat beramal..

p/s ghupo eh tak bulih tulih renung2kan tu dalam loghat nogoghi..
p/s 2 maaf yo den tulih ni untuk kongsi peghasaan den yo kalo ado salah kito bincangkan yo