Friday, November 11, 2011

Tahnik

Memandangkan ghamai yang da berumah tanggo n bakal bekawen xlamo laie,ni ha den nak kungsi ckit pasal bertahnik ni..po bondo eh tahnik ni?tahnik ataupun "belah mulut". secaro jujur eh den pun xtau po bondo eh tahnik ni..hikhikhik

Tahnik dari sogi bahaso eh iolah lelangit. dari sogi pengertian eh mengunyah buah tamar atau apo2 pun yg samo dongan eh lantas disapu atau gosok kurma tu kek lelangit mulut bayi..

Tahnik ni sunnah nabi yang perlu kito buek kek bayi yang baru lahir. Para ulamak bersepakat tahnik ni sunat dibuek. Sapo buek dapek la pahalo,sapo xbuek xdo doso do..bukan bondo wajib pun,sunat yo..

Tahnik afdal dibuek dongan kurma. Kalo xdo kurma,apo2 bondo manih pun bulih. tapi jangan guno makanan yang da dimasak. Maksud eh kono bondo yang presh la..jangan palk diboghi eh coki2 xpun tamtam kek budak tu..Seelok eh bukak an sikit mulut bayi supayo dio bulih ghaso kurma tu.

Apo tujuan eh tahnik ni?Antaro tujuan eh atau kolobihan eh iolah:

  • melatih bayi untuk makan dan menguatkan mulut eh
  • melatih bayi untuk menghisap..nanti sonang nak isap susu ibu eh
  • melancarkan percakapan bayi
  • kot lahir-lahir da makan bondo manih,so harapan eh da bosa nanti cakap bondo2 manih n baik yola
  • memboghi tenago kek bayi tu
  • lain2, gugel la sendighi yo
Bilo plak disunatkan buek tahnik ni? Tahnik ni bullih dibuek semaso ari kelahiran bayi tu..xpayah tunggu 7hari,44 ari ko..lahir2 yo,da bulih buek tahnik ni.sesapo pun bulih buek tahnik ni..tapi seelok eh bapak atau omak eh la..nak elok laie suruh la ulamak or ustat2 ko..xpun Syaiful Azmi pun bulih yo..diokan ulamak shams.

Nota tambahan:boto salah togo la yo..den pun bukan tau na do tahnik ni..kot ado po2 info tambahan,bulih la tokok tambah yo..
selamat la yo pado yang nak bekawen tu..mogo2 diberkati n koka hinggo anak cucu..

2 comments:

aDDy said...

apo lak bezo sunat dan sunnah?

Anonymous said...

sunnah ni amalan nabi..sunat ni amalan sunat..iyo kan??